FIOS DO QUERER

Bo domingo lectores e lectoras! Hoxe presentámosvos un libro-CD, para amenizar estas tardes de calor, para cantar na praia ou na piscina ou cando viaxamos (se é posible).

Esta lectura chegou a nós da man da Editorial Miudiño, da cal xa reseñamos outro exemplar, unha editorial galega que é fermosa e que ten este exemplar que esperamos que vos guste. 

Datos do libro:

Autor e autora:  Cé Orquestra Pantasma

Ilustradora: Cristina Ouro

Editorial: Miudiño 

Idades: 1+

Sinopse: 

Este libro-CD de Cé orquestra pantasma conta con vintecatro cancións sinxelas e cariñosas  para nenos e nenas de entre 0 a 6 anos.

Todas as cancións son fermosas, métense na cabeza e seguro que non podredes parar de tararear todo o día. Moitas delas seguro que as coñecedes e outras serán novos descubrimetos que vos acompañarán a partir do momento que as leades e escoitedes.

Aprendizaxes e valores:

Este álbum musical ten un gran potencial, para traballar as partes do corpo, os saúdos, o coñecemento do medio e a ampliación de vocabulario. 

A súa temática é clara e sinxela polo que podemos aproveitar para darlle un enfoque positivo e fomentar entre outras cosas a educación medioambiental.

• Vocabulario en galego: moitos nenos e nenas, por desgraza, poucas veces escoitan cantigas (ou conversas) en galego; por ese motivo cremos que este tipo de lecturas son moi necesarias, para non perder a riqueza da nosa lingua. 
• Transmisión da cultura: Galicia é terra, Galicia é xente, xente que transmite o seu coñecemento de boca en boca. Nós aconsellamos esta lectura como representación destas cantigas, destes valores culturais que cremos que deben pasar de xeración en xeración. 

Opinión persoal:

A sinxeleza desta obra namorounos dende que a tivemos nas mans, as súas letras sinxelas e as posibilidades que ofrece: de bailes e xogos que nos propoñen con cada unha das cantigas. Sen dúbida esta lectura sorprendeunos e comezaron a xirar na novas actividades para levar a cabo na nosa aula.

Este recurso é estupendo para traballar dunha forma dinámica actividades como os saúdos cando entramos e saimos da clase, entre outras cousas. 

Ademáis do potencial das cancións como lectura o feito de que conte cun CD faino moito máis atractiva para a infancia. Ademais as lecturas veñen acompañadas cunhas ilustracións fermosas e coloridas. 

Debedes conseguir un exemplares para comprender o que dicimos, pero merecerá a pena. 

Actividades:

Cómo non podía resultar doutro xeito non podíamos desaproveitar a oportunidade para seguir traballando esta lectura e convertila (se cabe), nun recurso ainda máis significativo. 

Como xa sabes sempre intentamos ter unha línea de traballo en contacto cun mesmo/a e co entorno. Ademais aproveitaremos para traballar as aprendizaxes que vos comentamos anteriormente.

• As nosas mans. Pintar con dedos é unha actividade divertida e gratificante. Permite aos nenos e nenas desenvolver e mellorar a súa sensibilidade táctil. Mellora a súa creatividade e fantasía; mellora a coordinación ollos man e a destreza manual. Nesta actividade propoñemos estampar a man e despois recortar e pegar o nome dos dedos onde corresponda. PDF
  

• Traballar a musicalidade. Na rede atopamos unha das cancións do álbum,para que coñezados o fermoso que é e as súas posibilidades. Con elas poderemos traballar a educación musical que tan esquecida é en tantas ocasións. 

• Observamos os caracois. Nestes días co soliño case todos/as atopamos caracois polo que vos propoñemos aprender a canción e despois debuxar ou pegar a foto do voso caracol. PDF
  

  
  

• Caixa de música. Animamosvós a crear unha caixa con instrumentos musicais como maracas, platillos, crotalos e a modo de descubrimento ir sacando un a un escoitado o ser son e adiviñando de cal se trata. Esta actividade promove os hábitos de silencio e espera: isto é así porque para a presentación da canción aos nenos, previamente buscaremos un recuncho tranquilo e agradable na aula, onde o educador presente a canción con tranquilidade e seguindo un proceso de descuberto.

• Recoñecemos e asociamos instrumentos. Nesta actividade teremos que unir os nomes co instrumento correspondente. PDF

• Construcción dunha maraca. Seguindo coa nosa línea de traballo e respecto o medio ambiente propoñemosvos a creación dunhas maracas. 

Materiais necesarios: dúas botellas de plástico, dúas varas de madeira, cola, cinta adhesiva (de cores) e material de recheo (arroz, fabas, grava ...). 

Instrucións para a súa construción: colocar un puñado de arroz na botella (axite e comprobe o son para ver se debe engadir ou eliminar arroz). Máis tarde, coloque a vara de madeira na botella (debería estar cómoda); Fixalo coa cola e cinta adhesiva ao pescozo. Por último, use a cinta adhesiva de cores para decoralo, cubrindo todo o conxunto. Se che custa atopalo as varas de madeira, pode prescindir delas, empregando só a botella co seu tapón.

Animámosvos a visitar a WEB da Editorial Miudiño e coñecer os seus títulos ¡seguro que vos encantan! Tamén podedes visitar o seu perfil de INSTAGRAM.

Por último, non vos olvidedes de seguirnos nas nosas redes INSTAGRAM ou FACEBOOK ¡para estar sempre ao día das nosas publicacións!