QUE AGOCHA A NOSA TERRA

Boas noites lectoras e lectores! Hoxe queremos presentar tres albums ilustrados en galego que consideramos básicos para infantil e primaria; pois presentan o que temos debaixo da Terra ou nas nosas ribeiras.

Uns libros con buraquiños agochan sorpresas e que pouco a pouco vannos descubrindo a flora e a fauna da Nosa contorna.

Por outro lado Temos o formigueiro onde se recolle a sús vivenda, traballo e as rutinas diarias.

¿Qué aprenderemos con estes libros de @baiaedicions ?

A través destes libros desenvolverán a competencia lingüística e ao mesmo tempo a competencia de aprender a aprender; xa que con cada un deles descubriredes curiosidades que seguro que fan saltar algunha chispiña nas cabeciñas dos pequenos e pequenas.

Os ríos, as pozas, as lagoas... Que farían o animais sen todo iso? Sen auga non sobrevirían. Mesmo algúns viven nela, ben por baixo da superficie... Acompáñanos a coñecer o reino animal acuático e subacuático. Neste libro atoparás moitas fendas que explorar.

O coello, a toupa, o teixugo. Todos estes animais viven baixo terra. Algúns só no inverno, algúns todo o ano. Os animais son coma a xente: teñen diferentes preferencias e necesidades. Achégate ao reino animal e atrévete a formar parte del, aínda que sexa un anaquiño. Convértete nun animaliño, verás que divertido! Neste libro atoparás cámaras soterradas e túneles para que os explores coas mans e cos ollos.

Imaxina que es unha formiga e pasas un día no formigueiro. Como sería? Na primavera deitaríaste no cumio para quencer o corpo e logo levar a calor ás cámaras e galerías do formigueiro. Subirías e baixarías árbores buscando comida, recollerías pulgóns. Ti e as túas amigas pasariádelo de medo chuchándolles o zume doce que soltan. Pero abonda de falar, que tal se te preparas e entras con nós no formigueiro?

Animámosvos a visitar a WEB da Editorial Baía e coñecer os seus títulos ¡seguro que vos encantan! Tamén podedes visitar o seu perfil de INSTAGRAM (@baiaedicions).

E se conseguimos chamar a vosa atención con esta obra e queredes facervos co voso exemplar so tedes que facer clic no seguinte ENLACE. É un pequeno xesto que axuda a manter vivo este proxecto. 

Por último, non olvidedes de seguirnos nas nosas redes INSTAGRAM ou FACEBOOK ¡para estar sempre ao día das nosas publicacións!